Sinopsis
Cada época da nosa vida asústanos dunha maneira distinta. Sempre temos medos que nos impiden avanzar, que non nos deixan vivir. Na nenez tememos o fantástico, o inexistente; na adultez temos un medo práctico, pois tememos que nos quiten aquilo que nos permite vivir; na vellez asústanos a morte, o noso final e o sobrenatural. Mentres vivimos, loitamos contra eses medos incesantemente. E está claro que podemos vencelos, ás veces sen axuda de ninguén, simplemente cambiando a nosa mentalidade temporal e facéndonos nenos, adultos ou anciáns, segundo a necesidade. Se a noite nos asusta, busquemos o día para camiñar.
